2024 ОНЫ 04 ДҮГЭЭР САРЫН СҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

 /2024 оны 04-р сарын 21-нээс 2024 оны 04-р сарын 30-ны өдрийг хүртэл /

Температур: Агаарын дундаж температур нийт нутгаар 7.1-11.6 градус дулаан, олон жилийн дундажтай харьцуулбал Замын-Үүд, Эрдэнэ, Алтанширээ, Улаанбадрах сумдын нутгаар дунджаас 1.1-1.6 градусаар дулаан, бусад нутгаар дунджаас 0.1-1.0 градусын орчим байлаа. Үнэмлэхүй их температур өдөртөө Замын-Үүд сумын нутгаар +26 градусаар дулаан, үнэмлэхүй бага температур шөнөдөө Эрдэнэ, Алтанширээ, Иххэт сумдын нутгаар -3 градус хүйтэн байв. Хөрсний гадаргын дундаж температур нийт нутгаар 12-18 градус дулаан, үнэмлэхүй их температур өдөртөө Улаанбадрах сумын нутгаар +47 градус дулаан, үнэмлэхүй бага температур шөнөдөө Мандах суманд -6 градус хүйтэн байлаа.

Хур тунадас: Энэ 10 хоногт Хатанбулаг суманд 8.7 мм, Иххэт суманд 3.3 мм, Айраг суманд 1.9 мм, Замын-Үүд, Алтанширээ суманд 0.7 мм, Хөвсгөл, Дэлгэрэх сумдад 0.5 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Дэлгэрэх сумын нутгаар дунджын орчим, Айраг, Алтанширээ, Иххэт, Хатанбулаг сумдын нутгаар дунджаас ахиу, бусад нутгаар дунджаас бага хур тунадастай байлаа.

Салхи: Энэ 10 хоногт салхины хамгийн их хурд Мандах суманд 25 м/с, Сайншанд суманд 20 м/с, Замын-Үүд, Хөвсгөл сумдад 19 м/с, Дэлгэрэх суманд 18 м/с, Улаанбадрах суманд 17 м/с, Эрдэнэ, Өргөн, Айраг сумдад 16 м/с, Хатанбулаг суманд 14 м/с, Алтанширээ, Иххэт, сумдад 12 м/с, Сайхандулаан суманд 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-9 өдөр байна. 

Бэлчээрийн ургамал: 4 дүгээр сарын 25-ны байдлаар бэлчээрийн ургамал таана, хазаар, хялгана Дэлгэрэх, Сайншанд, Хөвсгөл, Айраг, Иххэт сумдад цухуйсан, бусад нутгаар цухуйлтгүй, ургамлын дундаж өндөр 0-3 см байна.

МАА-н үйлдвэрлэлд: Цаг агаарын нөхцлөөс болж малын бэлчээрлэлт саатсан тохиолдол гараагүй. Нийт нутгаар төл хүлээн авах, зарим сумдад отор нүүдэл хийх ажил явагдаж байна. Малын усан хангамж ихэнх нутгаар дунд зэрэг байлаа.

4 ДҮГЭЭР САРЫН ТОЙМ МЭДЭЭ 

Температур: Агаарын дундаж температур нийт нутгаар 8.4-12.2 градус дулаан, олон жилийн дундажтай харьцуулбал нийт нутгаар дунджаас 2.2-4.4 градусаар дулаан байлаа. Үнэмлэхүй их температур өдөртөө Эрдэнэ сумын нутгаар +28 градусаар дулаан, үнэмлэхүй бага температур шөнөдөө Дэлгэрэх сумын нутгаар -6 градус хүйтэн байв. Хөрсний гадаргын дундаж температур нийт нутгаар 12-18 градус дулаан, үнэмлэхүй их температур өдөртөө Улаанбадрах, Хатанбулаг сумын нутгаар +47 градус дулаан, үнэмлэхүй бага температур шөнөдөө Дэлгэрэх суманд -8 градус хүйтэн байлаа.

Хур тунадас: Энэ сард Иххэт суманд 11.0 мм, Хатанбулаг суманд 8.7 мм, Айраг суманд 4.7 мм, Дэлгэрэх суманд 4.3 мм, Хөвсгөл суманд 3.4 мм, Хөвсгөл суманд 3.4 мм, Алтанширээ суманд 1.5 мм, Замын-Үүд суманд 0.7 мм, Сайншанд суманд 0.0 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Хөвсгөл, Алтанширээ сумдын нутгаар дунджын орчим, Дэлгэрэх, Айраг, Иххэт, Хатанбулаг сумдын нутгаар дунджаас ахиу, бусад нутгаар дунджаас бага хур тунадастай байлаа.

Салхи: Энэ сар салхины хамгийн их хурд Сайншанд суманд 28 м/с, Эрдэнэ, Мандах сумдад 25 м/с, Хөвсгөл сумдад 24 м/с, Алтанширээ, Иххэт, Өргөн, Улаанбадрах, Хатанбулаг сумдад 20 м/с, Замын-Үүд, Дэлгэрэх сумдад 19 м/с, Айраг суманд 18 м/с, Сайхандулаан суманд 12 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо Алтанширээ, Иххэт, Өргөн судын нутгаар 4-6 өдөр, бусад нутгаар 11-21 өдөр байна.